Cabugao, Ilocos Sur – Iti pannakiuman ti Web In-Action itay nabiit, impakaammo ni Dr. Bernardino P. De Gracia III, mangtartarawidwid iti panagagas iti RHU ken dagiti Medical Personnel ti Rural Health Unit (RHU)-Cabugao nga agtultuloy latta ti adu nga umili nga umay agpaagas iti Balay- Pagagasan a kas iti benneg ti Medical, Dental, Pre-Natal, BP Check-up, pabakuna ti ubbing, maladaga, ken masikog, kasta metten dagiti agpaagas nga agtutubo, agkabannuag ken nataengan a nangrugi iti Enero 2016.
Iti sabali a bangir, agtultuloy latta met iti panagtignay dagiti kameng ti “Kalusugan Pangkalahatan” a programa kadagiti barangay a buklen dagiti Brgy. Health Workers (BHWs), Committee Chair on Health (Kagawad) a baybayabayen dagiti pannakabagi ti Municipal Health Office (MHO) tapno maaywanan ti salun-at dagiti agindeg ditoy a Munisipalidad.
Kabayatanna, inawat dagiti Barangay Health Workers (BHWs) dagiti usarenda a ramit ken pagrukod ti presion ti dara nga inted ti Provincial Government kadakuada ken inyallawat ni Mayor Edgardo “Ediboy” S. Cobangbang, Jr. kadakuada itay nabiit.
Dagitoy nga inisiatiba ket resulta iti napintas a koordinasion dagiti mangimatmaton iti Sektor ti Salun-at ken iti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti agtultuloy a pannakatagiben ti salun-at dagiti umili a kakibin iti napardas a panagdur-as ti ili. # (Web In-Action)
No comments:
Post a Comment