GAP TRAINEES, NAITED DAGITI SERTIPIKODA

Cabugao, Ilocos Sur – Naaramid ti awarding dagiti Certificate of Attendance dagiti Trainees  iti 16-Day (4 Batch)  Skills/Livelihood Training on Good Agricultural Practices (GAP) on Vegetable Production iti 195 a 4Ps Beneficiaries iti 19  a Barangay ti Cabugao, Ilocos Sur a nangrugi idi Disiembre 1, 2015 ken nagleppas idi  Disiembre 16, 2015. 

CLICK HERE TO VIEW MORE PHOTOS

Sakbayna, naikkanda iti usarenda a materiales   iti panangipakatda iti naadalda iti panagsanayda iti las-ud ti tallo nga aldaw a naited iti tunggal Batch ti Trainees nga insayangkat   ti DSWD ken ti LGU-Cabugao.

Iti nasao nga awarding, nagatendar dagiti Opisiales ti Ili nga idauluan ni Mayor Edgardo “Ediboy” S. Cobangbang, Jr.;  Vice Mayor DJ Savellano ken dagiti Konsehales ti ili nga isuda SBM Danny Q. Gazmen; SBM Vicky S. Serna;  SBM Dr. Jemaima S. Tan-Yee;  SBM Josefina S. Vallejo;  SBM Jayhan Charisma Alcid-Tan; ken ni  SBM Atty.  Bryan Jett S. Pano, Committee Chairman on Social Services.

CLICK HERE TO VIEW MORE PHOTOS

Nakikaysa  met da MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao; ken ni  Mr. Dennis P. Aguimbag, SLP-PDO ti SLP-DSWD ken kasta metten dagiti Staff ti MSWDO-Cabugao ken ti 4 P’s Municipal Link-Cabugao.

Iti Mensahe ni Mayor Ediboy, kimmablaaw ken nagyaman iti amin a nag-training iti GAP ken dagiti Trainors a nupay agnaedda iti sabali a lugar ket naayatda latta a makikaysa iti pannakaited ti adal kadagiti umili ti Cabugao. Pagyamanan pay ti Ama ti Ili ta napintas ken nasimpa ti implementasion daytoy a programa ti DSWD ket kiniddawna a manayonan latta koma dagiti programa ti DSWD iti ili ti Cabugao wenno maidoble dagiti training kadagiti saan pay a nakapagsanay kadagitoy.

CLICK HERE TO VIEW MORE PHOTOS

Insupusop ni Mayor Ediboy a dagitoy a naisuro ket agnanayon a pakalaglagipan dagiti Trainees. Dinakamatna pay a dagiti maited a nayon a mausarda ket bukel ti mais ken Atchuete Seedlings ket impakaammona a wayawayada ti umay agkiddaw iti seedlings iti Municipal Plant and Nursery. 

“Agtultuloy latta ti panagyamanko ket nakagasgasatak ta dakayo ti nagbalin a kailiak ken siak ti kagagasatan ta siak ti nagbalin a Mayor-yo. 

CLICK HERE TO VIEW MORE PHOTOS

“Congratulations kadakayo amin nga umawat ti certificate ken nayon ti usarenyo a nagsanay ita nga aldaw!” kinuna ni Mayor Ediboy.

Nangipaay met ti Mensaheda da Vice Mayor DJ Savellano; SBM Atty. Bryan Jett S. Pano, Committee Chairman  on Social Services ken ni Acting Municipal Agriculturist Robert S. Savella.  

Kamaudiananna, nagkaykaysa dagiti Opisiales ti ili ken ti DSWD  a nagiyawat kadagiti sertipikasion ken materiales kadagiti 195 a Trainees a pakairamanan payen  dagiti 65 a nagsanay iti Cosmetology. # (Web In-Action)

CLICK HERE TO VIEW MORE PHOTOS