Cabugao, Ilocos Sur – Iti pannakiuman ti Web In-Action iti Enero 7, 2016, kinuna ni SB Secretary Maxfel S. Suboc a nakakalendario dagiti napapateg ita a Gakat a para iti pagsayaatan dagiti umili ken iti Munisipalidad iti Tawen 2016.
Kangrunaan a tamingen ti Sangguniang Bayan iti pakaseknan ti Revenue Generation Program ti LGU Cabugao kadagiti benneg a kas iti sumaganad:
1. Panagpandayda ti Tax Ordinance.
2. Pannakabukel ti Revenue Generation Plan ken Resolusion a mangadaptar itoy.
3. Revision of Assess Values of Real Properties - maaramid ti maysa nga Ordinansa a mangipatungpal itoy.
4. Enactment of the Local Investments and Incentives Code.
5. Revision of the Municipality’s Water Consumers’ Code.
6. Revision of the NISTC Code.
Maisaganad ti Land Use and Utilization Program babaen iti Revised Comprehensive Land Use Plan ken Enactment of Zoning Ordinance.
Mairaman pay iti Public Transport and Support Programs babaen iti pannaka-Revised ti Cabugao Tricycle Code.
Dagitoy nga aksion ket ipatungpal ti Sangguniang Bayan nga idauluan ni Vice Mayor Deogracias Jose H. Savellano ken aprobaran ni Mayor Edgardo S. Cobangbang, Jr. ti panagepekto dagitoy a Gakat.
Innayon ni SB Secretary Suboc nga iti Legislative Agenda ti Konseho Munisipal iti ili ket nabukel ken nagepekto nanipud 2013 agingga iti agdama a Tawen 2016.
Insupusop ni SB Secretary Suboc a tallo a kangrunaan a Gakat ti maiprayoridad iti umuna a semestre ti Tawen 2016: Water Consumers’ Code; NISTC Code ken iti pannakabukel ti pagannurotan iti panagoperar ti mailepleppas a Cabugao Commercial Center iti Tiendaan. # (Web In-Action)
No comments:
Post a Comment