Friday, January 29, 2016

2016 DIVISION MATH FESTIVAL, NAANGAY IDIAY ILI TI STA. CRUZ

Cabugao Ilocos Sur – Naangay ti Division Mathematics  Festival 2016   idiay  Sta. Cruz Central School, ili ti Sta. Cruz, Ilocos Sur  a nagpartisiparan dagiti napili a makisalip iti Mathematics nga ubbing iti tunggal Distrito (25 Districts ti DepEd Division  ken 2 private schools) iti intero a Probinsia ti Ilocos Sur idi Enero 26, 2016.

Naaramid ti Opening Program iti  kabigatan dayta a petsa.

Buklen met ti DAMATH Facilitators dagiti Over-all Chief Arbiters, Chief Arbiter/Timer, Reviewer/Scorer ken Table Arbiter. Iti met MATH RELAY Facilitators, nagserbi met dagiti Board of Judges, Quizmasters, Timers, Recorders ken Proctors. Buklen dagiti nagpaay a Facilitators dagiti Principal, Head Teachers ken Math Officials iti nadumaduma a pagadalan ken Distrito.

Iti Closing Program kalpasan dagiti Math Contested Activities, nagsarita ni Schools Division Superintendent ket dinakamatna ti pateg ti pannakaisuro ti Math iti ubing. Kinaritna dagiti nagannak ken mangisursuro ti agtultuloy a pannakaitandudo ti kakastoy nga aktibidad. Pinagyamananna ti Gobierno Munisipal,  eskuela ti Sta. Cruz Central School, dagiti opisiales ti MATARI (Math Association of Region 1), nagannak ken Opisiales ti DepEd Districts iti pannakaorganisar ken pannakaangay   kadaytoy dakkel nga aktibidad ti agad-adal iti intero a Probinsia  ditoy Sta. Cruz ken  iti naballigi a pannakaipatungpalna.

Naudi ti Announcement of Winners and Awarding of Medals, Certificates and Trophies.  Nagun-od ti Cabugao DepED District iti maikalima a puesto (Over-all) iti nasao a pakontes. # (Web In-Action)

No comments:

Post a Comment