Cabugao, Ilocos Sur – Naited ti pundo nga aggatad ti 1.8 Million kadagiti Opisiales ken Kameng ti Cabugao Mango Farmers Multipurpose Association babaen iti panangiyallawat ni Mayor Edgardo “Ediboy” S. Cobangbang, Jr. ti Tseke a pakakitaan ti gatad idi Enero 12, 2016 ditoy Munisipio.
Daytoy a gatad ket naggapu iti RA 7171 ti Munisipio a para iti Livelihood Projects for Development Alternative Farming System, Production and Trading of Fresh Carabao Mango ken counterpart ti Asosasion para iti programa nga ited ti PRDP-DA.
Nakikaysa met iti nasao a turnover da ABC President Thaddeus U. Soller; Acting Municipal Agriculturist Robert S. Savella ken ni HVCDP Municipal Coordinator Ester P. Aguimbag.
Ti nadakamat nga Asosasion ket addaan ti 35 a Kameng ken idauluan ni Mrs. Faith Sabio, Presidente. # (Web In-Action)
No comments:
Post a Comment