Wednesday, January 6, 2016

PANAGSAKADA TI BUSINESS PERMIT ITI TAWEN 2016, NARUGIAN

Cabugao, Ilocos Sur – Mangrugi iti Enero 5, 2016, nailukat ti sangsangkamaysa a pagsakadaan kadagiti maiyannatup a papeles sakbay a maala ti Business Permit  a gun-oden  dagiti nadumaduma nga agtagikua ti  establisimiento iti negosio ditoy Munisipalidad a pakairamanan  idiay NISTC Public Market.


One Stop Shop   ti wagas a panagala ti Business Permit ita a Tawen 2016 ditoy LGU Cabugao.

Naiplastar  ti napagsisilpo a lamisaan iti asideg ti Municipal Treasury a pakakitaan kadagiti pannakabagi ti nadumaduma a Departamento ti Opisina ti  LGU kasta metten  dagiti dadduma pay nga Ahensia iti salinong ti LGU Cabugao kas iti Bureau of Fire Protection (BFP) a pakaiprosesuan dagiti papeles sakbay a magun-od ti permit 
ti negosio.

Daytoy nga addang ken wagas ket maar-aramid iti umuna a bulan ti kada Tawen tapno maipadaras ti panagsakada dagiti umili  a maseknan iti business permit.

Maibatay iti pakaammo ti Munisipio, maaramid manen ti panagpabaro iti Business Permit a kasapulan dagiti maseknan nga agnegnegosio sakbay nga agoperarda kadagiti negosioda iti Tawen 2016. # (Web In-Action)

No comments:

Post a Comment