Monday, January 11, 2016

UMUNA A REGULAR MEETING TI ABC, NAARAMID ITA A TAWEN

Cabugao, Ilocos Sur – Naangay ti Monthly Regular Meeting ti Association of Barangay Councils/Captains iti ili a Cabugao idi Enero 6, 2016 iti SB-ABC Building babaen iti panag-preside ni MLGO Officer Constancia L. Quinola, LGOO V. 

Dagiti natratar ken napagnanamingan: 
1.Impadamag ni MLGO Officer Constancia L. Quinola ti kasasaad ti programa a Bottom-up Budgeting (BUB) nanipud nangrugi ti tawenna agingga iti agdama ditoy ili ti  Cabugao a  kas recipient iti Anti-Poverty Program ti Gobierno Nasional.
2.Nataming dagiti pakaseknan ken saludsod dagiti Kapitanes pakaseknan iti implementasion ti BUB iti barangay ken iti Munisipalidad.
3.Nakikoordinar ni Chief of Police Senior Inspector Ramil A. Llarenas kadagiti Kapitanes a nagatendar  ta obligarenda dagiti agik-ikut ti awan ti lisensiana  a paltog a kalugaranda  ta maidepositoda iti kuerpo ti polisia para iti safekeeping purposes kabayatan iti panawen ti eleksion.
4.Impadamag ni Mr. Dario Roy O. Siruno, Municipal Information and Tourism Officer iti yuumay dagiti pannakabagi ti Kapitolio Probinsial para iti Onsite-Validation ti Siglat Awards Nominees 2015  a barangay ditoy ili a Cabugao inton Enero 11, 2016.
5.Naammuan dagiti nangabak iti naaramid a pakontes ti Christmas 
Tree, Lantern and Belen-making iti napalabas a Paskua 2015.

Naballigi met a napagsasaritaan dagiti dadduma pay a pakaseknan/agenda  a naidatag iti nadakamat a miting. (Web In-Action)

No comments:

Post a Comment