Cabugao, Ilocos Sur – Iti kallabes tawen, naaramid ti pannaka-iyenrol dagiti Senior Citizen iti Munisipalidad ti Philhealth maigapu iti pakaammo iti Philhealth Local Health Insurance Office-Ilocos Sur, Vigan City gapu iti panagepekto ti RA 10645, linteg a pinirmaan ni Presidente Benigno S. Aquino III a napauluan iti : “An Act Providing for the Mandatory Philhealth Coverage of All Senior Citizens.”
Nabenepisiaran dagiti kualipikado a Senior Citizen iti libre a Philhealth ket natalgeden ti riknada nga agpaagas no adda sagubanitda.
Ti Cabugao Federated Senior Citizens ket idauluan ni Mr. Bonifacio Somera, Presidente iti agdama ken agopisinada iti Senior Citizen’s Center Building, Brgy. Rizal, Cabugao, Ilocos Sur.
Baybayabayen met ida da Mrs. Lydia S. Gazmen, MSWD Officer-LGU Cabugao ken Staff kasta metten ni Mr. Remigio S. Sunico, OSCA (Office of the Senior Citizens Affairs) Head.
Kanaig daytoy, babaen iti RA 10645, "An Act Providing for the Mandatory PhilHealth Coverage for All Senior Citizens,” nakalanad dagiti annuroten iti pakaseknan ti benepisio a maited iti Senior Citizen kas iti daytoy a paset ti linteg... “ all citizens who are 60 years old and above will receive the benefits and discounts extended to ordinary PhilHealth members by just presenting a valid ID that proves their real age.
Kabayatanna, naisubmiter iti 786 a Senior Citizens manipud iti Office of the Senior Citizens Office, Cabugao, Ilocos Sur iti PHILHEALTH-Local Health Insurance Office - Ilocos Sur iti pakaseknan daytoy a benepisio dagiti nataengan ken dagiti aramiden ti Opisina ti MSWDO-Cabugao iti implementasion iti nadakamat a linteg.
Ipeksa ni Mr. Bonifacio Somera, Presidente, iti panagyamanda iti agtultuloy a tulong, tarabay ken suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti agtultuloy a pannakaipatungpal dagiti gannuat a para iti pagimbagan dagiti Senior Citizens iti ili a Cabugao.# (Web In-Action)
No comments:
Post a Comment