Cabugao, Ilocos Sur – Idauluan ti Ilocos Sur Motorcycle Philippine Federation dagiti Motorcycle Riders iti dua nga aldaw a seminar (Enero 23-24, 2016) nga inesponsoran ti Metropolitan Manila Development Authority (MMDA) Emergency Volunteer Corps iti Cabugao Cultural and Sports Complex, Brgy. Rizal, Cabugao, Ilocos Sur.
Dagiti maiyadal ket babaen iti Teoria ken Aktual kas kadagiti sumaganad:
1. Basic Life Support.
2. Basic First Aid.
3. Basic Life Saving Techniques.
Kangrunaan a nagtalimudokan ti adal ket no ania ti maiparbeng nga aramiden iti panawen iti didigra kas iti Bagyo, Layus, Ginggined, Tsunami, Volcanic Eruption, Blackouts, Aksidente ken Uram
Kangrunaan a naglektiur ken nagdemonstrar ket dagiti kameng ti MMDA Emergency Volunteer Corps.
Sakbay ti Lecture Proper, naawis nga agatendar ken nagsarita ni Mr. Josh Edward S. Cobangbang. Kimmablaaw ken nagyaman iti amin a nagatendar. Innayonna a napateg met nga adalen dagiti kangrunaan nga aramiden iti panawen ti didigra kangrunaan iti road safety ken panagmaneho. Maysa met isuna a Motorcycle Rider. Inulitna ti nangkablaaw kadagiti delegado iti uppat a probinsia a kas iti Ilocos Norte; Ilocos Sur; La Union ken Cagayan ken makikaysa iti panagballigi daytoy a dua nga aldaw a seminar.
Nagsarita met ni Engr. Nestor B. Somera, MDRRMC Officer ken Head ti WASAR Team ken nakikaysa met ni ABC President Thaddeus U. Soller. # (Web In-Action)
No comments:
Post a Comment