Cabugao, Ilocos Sur – Impakaammo ti Gobierno Probinsial babaen iti Opisina ni Vice Governor DV Savellano nga angayenda ti panagtitipon dagiti kameng ti Bamboo Growers Association inton Pebrero 3, 2016 iti Cabugao Beach Resort, Brgy. Pug-os, Cabugao, Ilocos Sur tapno mataming dagiti sumaganad:
1.Mailawlawa ti saklawen ti Ilocos Bamboo Corridor Project (IBCP) a kas katulongan a mangalay-ay ti epekto ti climate change a mangibunga ti layus ken tikag babaen iti panangpaadda iti livelihood projects kadagiti komunidad a maisentro iti panagpatanor iti kawayan.
2.Daytoy a proyekto ket kakammayetna dagiti Ahensia ti DOLE; DTI; DSWD; UNP ken ti Metro Vigan Water District (MVWD) babaen iti pannakapaadda dagiti kasapulan a ramit; pannakailako dagiti bamboo propagules; pannakaaramid ti panagsanay maipapan iti livelihood ken environmental conservation.
Kangrunaan a maigannuat iti panagtitipon iti panangdeterminar kadagiti pagkurkurangan ti proyekto; makonsulta dagiti kameng ti bamboo growers association; ma-update ti kasasaadda kasta metten a mabukel ti Federation of Bamboo Growers Association iti dayta nga ili.
Mainayon pay a napintas a panggep daytoy a taripnong ket iti pannakatakuat kadagiti indigent families a mayat a makikappeng iti proyekto ket tulongan ida ditoy ti Ahensia ti DOLE ken iti DSWD. # (Web In-Action)
No comments:
Post a Comment