Cabugao, Ilocos Sur – Agpada ti kasayud iti pannakarambak ti Paskua 2015 ken iti pannakaselebrar ti Baro a Tawen 2016 iti ili a Cabugao, Ilocos Sur.
Kamalman ti Disiembre 31, 2015 ket naggatangen dagiti umili ti torottot ken mapagsasanguanda iti media noche ken countdown ti 2015 ken 2016 iti umay a rabii.
Maibatay iti rekord ti Municipal Police Station, imbatad dagiti naka-duty a Polis a namantener ti kinatalna dagiti nagselebrar ken kinasayud ti trapiko. Indauluan ti LGU-Cabugao ken ti Parish Pastoral Council iti Midnight Mass idi Disiembre 24, 2015 ken nainayon ti Parish Finance Council idi Disiembre 31, 2015.
Kanaig itoy, naaramid ti Nasantuan a Misa iti agsapa ti Enero 1, 2016 (nagsaruno) iti Simbaan Romano Katolika ken kasta metten kadagiti simbaan, kapilia ken denominasion ket nagselebrar met dagiti kameng ti nagduduma a relihion/pammati a nangsarabo iti isasangbay ti Baro a Tawen 2016.
Narambak, natalna ken nasayud ti pannakaselebrar ti New Year 2016 ditoy ili ti Cabugao, Ilocos Sur maigapu iti pannakamantener ti linak ken talna iti napaut a Holiday Season kas impakaammo iti Cabugao Municipal Police Station.
Iti espiritual a benneg, narambakan ti RAMBAK BARO TAWEN ti Cabugao Catholic Church ken napintas met ti panagselebrar dagiti dadduma a Sekta ti Pammati a nagselebrar ti Paskua 2015 ken New Year 2016.
Intultuloy met latta dagiti pamilia, agkakabagian, ken aggagayyem iti nagselebrar babaen iti piknik, salu-salo ken panagpasiar kadagiti tourist destinations a masarakan iti lokalidad. Adu met ti nagselebrar iti sidong lattan dagiti patpatgenda ti biag.
Saan a mapunas ti kaugalian iti Kultura ni Ilokano nga iti panagsukat ti Tawen ket kaipapananna ti Baro a Namnama nga agballigi babaen iti Baro a Gannuat ken Sirmata ti Biag. # (Web Situational Report)
No comments:
Post a Comment