Cabugao, Ilocos Sur – Nagmiting dagiti Barangay Nutrition Scholars (BNS) itay nabiit tapno iringpasda ti reportda kadagiti aktibidadesda kadagiti barangayda nangruna dagiti binulan a reportda itay 2015 ken pakaseknan iti agtultuloy a trabahoda iti Tawen 2016.
Dagiti kangrunaan a natratar ken napagnanamingan ket dagiti sumaganad:
1. Ti Municipal Nutrition Action Officer ken ti Presidente ti Pederasion, Mrs. Gloria Tangalin Segui ket nagiwarasda iti steelrule para iti height board, recipe book ken diary a kasapulan dagiti BNS. Naggapu dagitoy a ramit iti National Nutrition Council (NCC).
2. Pannakaisubmiter dagiti Accomplishment Report iti tunggal bulan ti napalabas a Tawen 2015.
3. Pannakaisagana latta dagiti amin a Barangay Nutrition Corner/Office para iti Brgy. Nutrition Program Implementation ken Assessment ita a Tawen 2016.
Segun pay ken ni Mrs. Joenah G. Sevilleja, Municipal Nutrition Action Officer ket maar-aramid latta iti inaldaw a pannakaipakat dagiti wagas a pangpasayaat ti programa ti Nutrision kadagiti barangay maigapu iti aktibidad dagiti Barangay Nutrition Scholars (BNS), maseknan a Komite ti Konseho ti Barangay ken ka-koordinarda pay dagiti kameng ti Barangay Health Workers (BHWs), Community Health Team (CHT)-Kalusugan Pangkalahatan Members ti DOH-LGU-Cabugao.
Dagitoy nga aksion ken inisiatiba ket maigapu iti agtultuloy a pannakaibayog ti programa ti Nutrision iti inaldaw a suportaran ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno mamantener ti kinasalun-at dagiti umili kangrunaan dagiti babassit nga ubbing. # (Web In-Action)
No comments:
Post a Comment