BROMEO, AGATENDAR TI 4 NGA ALDAW A SEMINAR TI DA

Cabugao, Ilocos Sur – Babaen ti pakaammo ni Provincial  Agriculturist Teofilo R. Quintal ken ni Mayor Edgardo “Ediboy” S. Cobangbang, Jr., mapusgan ni Mr. Elmer Guerrero Bromeo, President, Federated Farmers President ti ili a Cabugao nga agatendar iti 4 nga aldaw a seminar (National Farm Mechanization Roadshow and Farmers/IA Congress)  nga esponsoran ti Departamento ti Agrikultura (DA)   inton  Hulyo 4-7, 2012 a maangay  iti World Trade Center,  Manila.

Daytoy a panagtitipon  ket ibagian ni Bromeo dagiti asosasion ti mannalon iti  Munisipalidad ti Cabugao babaen ti panangpasingked  ni Mayor Ediboy. Panggep pay  ti seminar a maipakita/maadalan dagiti asosasion nga agik-ikut  ti     makinaria/ramit pang-agrikultura nga inted ti DA  ken   ti “counter-scheme”  a wagas tapno makagun-od met   ti dadduma nga asosasion ti  mannalon. # (Web In-Action)