Cabugao, Ilocos Sur – Apaman a naibayog ti
pagsignalan numero uno ti Bagyo Ferdie iti Ilocos Sur, naibuybuyaten ti
napigsa a tudo a nakaigapuan ti pannakasuspende ti klase ti elementaria iti malpas-pangaldaw.
Dagus met a nagresponde ti Municipal Disaster Risk
Reduction Management Council (MDRRMC) ti LGU nga idauluan ni Municipal Engineer Crescencio C. Formoso. Nagtitiponda iti Operation Center ti Munisipio ken nagrekurida met ti dadduma.
Nupay kasta, nadaras
met laeng a nages-es ti nabunnong a danum idi agangay no agaripapa ti tudo.
 |
| Makita iti ladawan (Dagiti waig ti Poblasion) iti pakpakauna a panagadu ti danum gapu iti napigsa a tudo a ginubuay ti Bagyo Ferdie |
Imbatad ni Engr. Nestor Somera, Focal Person ti
MDRRMC nga awan ti nainayon a report a naawat ti Operation Center manipud kadagiti
Barangay Disaster Risk Reduction Management Council (BDRMMC) a nadidigraan
kadagiti barangayda malaksid laeng dagiti naapektaran a lumugar
iti malalayus a paset ti Barangay Baclig.
Segun ken ni Engr. Formoso, naguray ti Skeletal Force ti MDRRMC agingga
ti rabii no adda umawag ti tulong
iti barbarangay ngem awan met ti
nakana unay a naapektaran ti bagyo a tao
ken uray iti impraestruktura iti pigsa
ti tudo a pinataudna. # (Web In-Action)
No comments:
Post a Comment