Cabugao, Ilocos Sur – Naipamaysa ita nga inasikaso dagiti kameng ti DA-LGU Cabugao a nangtalon ti ag-3,000 metro-kuadrado a pamagayan iti Brgy. Sagayaden, Cabugao, Ilocos Sur (asideg ti National Highway) ita a Wet Season Crop 2012 (Hunio-Nobiembre).
Daytoy ket naraepan iti Bigante a manamnama a mangyeg ti napintas nga apit tapno adda pagtuladan dagiti mannalon a saan pay a nakasurot ti baro a teknolohia ti panagpagay.
Imbatad ni Mr. Edgar S. Balangatan, AT-MENRO-Designate a naikagumaanda latta ti mangipaay ti Demo-Farm nga isuda a mismo ti agtaming tapno in-inut a mapatuladan dagiti mannalon nga agus-usar ti kadaanan a bin-i ken wagas ti panagtalon.
Nupay kasta, naobserbar ni MENRO Balangatan a manmanon ti kakastoy ti panagtalonna iti Munisipalidad agsipud ta nawarasan ti amin a barangay a nalawa ti pamagayanna ti demo-farm nga inlunsad ti LGU-Cabugao ken DA-RFU 1 a nangimpluensia ti aglawlaw. # (Web In-Action)
No comments:
Post a Comment