Cabugao, Ilocos Sur – Imbes a panagragsak ti inaramid dagiti kameng ti Cabugao Livestock Traders Association iti aktibidades ti Cabugao-Dayo idi Hulio 14, 2012 agsipud ta nadanon ti umuna nga anibersario ti panag-dadayoda, napagsasaritaan ketdi ti pinansial a kasasaad ti Dayo tapno marukod no umad-addang met laeng ti kasasaadna.
Imbatad ni Mr. Dante Naval, Municipal Meat Inspector ken mangiwanwanwan ti Dayo, kunana a kasla nakalukat a libro ita ti kasasaad ti Book of Accounts ti Dayo (mabalin ti asinoman a mangkita) gapu ta kayatda nga iyataday iti Direktiba ni Mayor Edgardo “Ediboy” S. Cobangbang, Jr. a masapul a naurnos ti rekord ken “Transparent” tapno mareporma ti panagiggem ti pundo dagiti mangimanehar ti asosasion.
Innayon ni Inspector Naval a naka-intact ti bagi ti pundo nupay nakaipaima kadagiti dadduma a cattle buyers (koridor ken traders) ti dadduma ket adda met dimmul-anan ti natgedan ti puonan kadagiti transaksiones a napasamak iti ikub ti Dayo.
Imbatad met ni Presidente Mariano Raciles ti Cabugao Livestock Traders Association a no makawayada ket agmitingda ken baliwanda ti agselebrar ta kiddawenda ti nayon ti puonan tapno adda met maipasublat kadagiti dadduma a miembros a gumawgawawa ti usarenna a paggatang ken tumulong iti pannakaidur-as ti Dayo.
Dagiti napasublatan a kameng ket dagiti nalaing ti rekordna nga aggatang-aglako ken kumita (makapamitlo pay nga agyentrega) iti management tapno matun-oyan ti in-inut ngem nasamay a panagballigi ti Dayo, innayon ni Mr. Rudy Quileza, Tesorero. # (Web In-Action)
No comments:
Post a Comment