Cabugao, Ilocos Sur – Nagun-od a sibaballigi ti Bungro Farmers Association nga idauluan ni President Eddy Sevilleja kas recipient iti “Farming System Research in Rainfed Lowland Area of Region 1”, programa ti DA-RFU 1, Research kalpasan ti naiwayat nga evaluation ita a Hulio 11, 2012 iti panangidaulo ni Ms. Editha Estacio, Planning Officer on Rice, DA-RFU Research a naangay iti Barangay Hall, Barangay Bungro, Cabugao, Ilocos Sur.
Buklen ti programa ti 10 Has. (rainfed area) agraman expansion area iti 2 a barangays: Bungro ken Salapasap. Kasapulan a compact area (agaassideg), aggapu iti cooperators ti datos a bagnos ti panagsukisok ket ited ti DA-RFU ti inputs a maisubli kalpasan ti apit. Maited pay ti livestock component iti programa a pakabenepisiaran ti agdama iti 20 a mannalon ti Brgy. Bungro.
Kadua ni Ms. Estacio da Ms. Wilma Ibea ti Ilocos Norte DA Provincial Center ken Ms. Ma. Christina A. Orine, Assistant ILIARC Manager, DA-RFU a binayabay ni MA Zenaida S. Andrada ti DA-LGU-Cabugao.
Nakikaysa ni Mayor Edgardo “Ediboy” S. Cobangbang, Jr. kadagiti Opisiales ti DA-RFU iti pannakairubuat daytoy a programa ti DA iti Brgy. Bungro. Imbinsa ni Mayor Ediboy dagiti agdama a programa ti LGU para iti pagimbagan dagiti mannalon ken iti plano ti Gobierno Munisipal a mainayon pay a proyekto a pagsayaatan ti mannalon a kaaduan nga umili ti Cabugao.
Iti dayta a gundaway, naipaneknek manen ti kaipapanan ti napintas a panaglangen ti LGU ken ti Farmers Sector iti panangawat ti 5 a Farmers Association kadagiti Barangay ti Rizal, Arnap, Baclig, Nagsantaan ken Cacadiran ti “Soft Loan” nga itden ti LGU-Cabugao a pamuonanda nga agsalukag iti panangpatan-ayda ti asosasionda.
“Pagyamananmi daytoy iti LGU babaen ti panangilungalong ni Mayor Ediboy. Katulongmi a Farmers isuna nga umagpang, addan identity-na ti kaaduan nga asosasion a maki-transact, maipakatmi ti entrepreneurship skills, ken agtignaykami a makisinnabet ti adu a programa a pagimbagan,” imbatad ni Mr. Dominador Reynold Sabio, Presidente ti BACALL (Baclig, Callaguip & Lusong Suyo FA) ken Vice President ti Federated Farmers ti Cabugao.
“In-inuten a mapasubli dagiti mannalon nga agtalek iti kabaelanda a mangtunton ti kaikarianda a paglugaran. Nagun-odmi dagitoy babaen iti pannarabay ti agdama nga administrasion ti Munisipal,” Insupusop met ni Kagawad Roberto S. Sablay, Presidente ti Nagsantaan Farmers Association.
Binayabay ni SB Member Benedict M. Savellano, Chairman, Committee on Agriculture ken ABC President, Rizal Brgy. Captain Teddy U. Soller ni Mayor Ediboy iti pannakaipaay dagiti “soft loans” kadagiti 5 nga FA’s. # (Web In-Action)
No comments:
Post a Comment