Cabugao,
Ilocos Sur – Naisamira a napagpapatangan ti pannakaruk-at ken pannakayentrega
ti puonan nga agtultuloy a paggatang a
manmaneharen ti Cabugao Livestock Traders Association nga idauluan ni Mariano Raciles ken asistiran
ti LGU.
Gakat
ni Treasurer Rudy Quileza a kasapulan a
mayentrega ti gatad a nabulod iti inkari
a petsa: adda man nagatang ken awan
tapno maikkan met ti gundaway ti dadduma a gumawgawawa a sumublat.
Babaen
ti nasamay a pannaka-audit ti agrikrikus a puonan, saggaysa laengen ti saan a
makatungpal. Ngem madagdagus a mapaayaban ken makasarita ti koridor a maseknan ket epektibo daytoy a wagas.
Kabayatanna,
nairaman a naidayo dagiti kabalio a lako ni Brgy. Captain Ruben S. Ibbay idi Hulio 21, 2012. Adu met ti aggusto
ta mabalin a magatangda a pagsakayan ken para-karne ta naimas kano met a
masida, segun kadagiti nakaramanen a dumadayo.
Imbatad
ti kaaduan nga opisiales ti asosasion nga uray no adda met tiempo a nababa ti
bilang ti transaksion basta agtultuloy
ken “sustainable” ti operasion ti
Dayo-agballigi iti masakbayan. # (Web In-Action)
No comments:
Post a Comment