Cabugao, Ilocos Sur – Napagasatan da Ms. Milagros Ramirez-Paz, Municipal Fishery Coordinator ken P01 Darwin Salarzon ti Cabugao Municipal Police Station (MPS) nga agbalin a Licensed Fish Examiner gapu iti pannakalpasda ti “2011 Fish Examiner’s Training Course” ken pannakaragpatda kadagiti pagrukodan a naituyang kadaytoy a narasay a takem a maited iti maysa nga agserserbi iti Gobierno.Iti surat ni BFAR Regional Director Nestor D. Domenden, CESO V iti LGU-Cabugao, dagiti Fish Examiner ket kabaelanda ti mangted ti “Scientific Examination” iti lames a gapuanan ti underwater explosion ken kas katinnulong ti BFAR ken LGU iti pannakaisardeng ti illegal a panagkalap iti masakupan ti Munisipalidad.
Naituding a mapan awaten da Mrs. Paz ken PO1 Salarzon ti Fish Examiner’s ID-da idiay Sevilla Center, San Fernando City, La Union inton Hulio 16, 2012. # (Web In-Action)
No comments:
Post a Comment