Cabugao, Ilocos Sur – Naangay ti miting ti League of Barangay Secretaries ti Munisipalidad ti Cabugao ita a Hulio 6, 2012 iti Barangay Hall ti Brgy. Rizal, Cabugao, Ilocos Sur nga idauluan ni League President Ronnie S. Bringas, Brgy Secretary ti Brgy. Nagsincaoan.Kalikaguman ti Liga a maaramid ti panagsisipda ti adal (seminar) iti sabali a lugar a kabulbulonna ti pannakagun-odda ti padas ken wagas a mabalinda nga inayon ken iyaplikar iti pagrebbenganda iti panagbaniagada kadagiti iteneraria-da a lugar.
Nupay kasta, tentatibo a maangay ti Seminar, lakbay aral, ken pilgrimage-da idiay Manaoag, Pangasinan inton Hulio 11-12, 2012. Daytoy a panagadal ket suportaran ti DILG-MLGOO Cabugao nga imatonan ni LGOO 5 Officer Connie Lazo Quinola ken ti Opisina ni Mayor Edgardo “Ediboy” S. Cobangbang, Jr.
Manamnama a ti 33 a bilang ti Barangay Secretaries iti ili a Cabugao ket makaatendar iti daytoy a Seminar a mangyagpang ti kaammuanda a kas Barangay Secretary. # (Web In-Action)
No comments:
Post a Comment