Cabugao, Ilocos Sur – Hulio 3, 2012: Naangay iti umuna a panagsesion dagiti nagenrol ti Farmers Field School/Palay Check System iti Barangay Pug-os, Cabugao, Ilocos Sur.
Daytoy a gannuat ket nagbuligan nga ipakat ti DA-RFU 1, ATI, DA Provincial ken LGU-Cabugao nga idauluan ni Mayor Edgardo “Ediboy” S. Cobangbang, Jr. Paset ti Agri-Pinoy Program ket epektibo a kapartnerna dagiti LGU’s nga umasping ti panggepna a mangpaprogreso kadagiti mannalon kas iti Munisipalidad ti Cabugao.
Linuktan ni Mr. Robert S. Savella, AT/Facilitator ti session ket naglektiur maipapan ti kinapateg daytoy a programa a mangiyintek ti naballigi a panagtalon.
Kinarit ni Municipal Agriculturist Zenaida S. Andrada dagiti agbasa a masapul a maiturposda ti 16 weeks (sipud bunubon agingga iti panagapit) ken imdenganda ti maited nga adal ti kada topiko a mawarwar (tunggal Huebes, 7am-11am). Pinagyamanan ni MA Andrada ti panangipateg ni Mayor Ediboy ti kalikagumda a maipatungpal daytoy a wagas ti panangmuli kadagiti mannalon.
Binagi ni Mr. Obas Bill Y. Baclig, AT/Municipal Seed Inspector nga imbinsa ti annuroten ti panagadal. Mapasamak ti teoria/aktual a panagsisip ti adal inton Hulio 11-12, 2012 ta kalpasan ti lektura ket maaramidto ti panangiraepda ti bunubon nga TH-82 iti learning field. # (Web In-Action)
No comments:
Post a Comment