Cabugao, Ilocos Sur – Naisayangkat ti seminar-workshop kadagiti pangulo ti opisina ti LGU ken babaenda nangruna iti Municipal Treasury, SB, BFP, RHU, ken Market Vendors iti SB-ABC Hall idi Hulio 11, 2012 a no sadino a ditoy ket naglektiur ti pannakabagi ti DTI Regional Office ti update ken nasamay a pannakaipatungpal ti panagitedan ti Business Permit ken Licensing System a maipakat iti tunggal LGU kadagiti agnegosio a masakupan iti Munisipalidad.
Dagiti natratar ken mapagnanamingan:
- Maadaptar ti unified form ti BPLS (Business Permit and Licensing System) kalpasan a maibus ti agdama a pormas nga ar-aramaten ti Tesoreria ti LGU-Cabugao.
- Maikabassit dagiti requirements no kasapulan tapno mapadaras ti pannaka-issue dagiti permit ken lisensia- a pakalag-anan met dagiti agsakada ket maawis dagiti agpuonan a mangpaadu ti negosio.
- Mapasayaat ti one-stop-shop a pannakaiproseso ti papeles tapno makainut ti oras, resources, ken ad-adu ti makolekta a pagbayad ken buis.
- Ma-update ti revenue code.
- In-inut a panangadaptar ti on-line (computerized) a papeles ken panagpirma.
- Sursuruan dagiti kliente nga agbayad iti nasapa a saan koma a “last minute payment”.
- Pannakamantener ti napintas a panaglangen ti LGU ken sector ti negosio iti pakaseknan ti panag-renew ti permit ken lisensia babaen ti mapasamak nga “streamlining” program ti DTI ken LGU.
Buklen dagiti pannakabagi ti DTI da: Engr. Gil C. Fernandez, BPLS Regional Coordinator, DTI Regional Office 1, San Fernando City, La Union; Engr. Yoly Quiocho, BPLS Provincial Coordinator, DTI-Ilocos Sur Provincial Office, Vigan City ken Miss Mila Madriaga, DILG-Ilocos Sur Provincial Office .
Indauluan met da Mrs. Lourdes Azcueta, Municipal Treasurer ken LGO Officer 5 Connie L. Quinola, SB Secretary Maxfel S. Suboc dagiti nagatendar iti LGU-Cabugao. # (Web In-Action)
No comments:
Post a Comment