Cabugao, Ilocos Sur – Panggep ti Municipal Fishpond ti mangipakita iti ehemplo kadagiti mannalon iti panagpatanor ti Tilapia, kabiitan a klase ti ikan a mayataday iti takdang (danum-tamnay).
Imbatad ni Mrs. Milagros R. Paz, Municipal Fishery Coordinator a napasayaat ti pasilidad ti pagpupokan tapno maipakita ti umisu a panagtaraken ti Tilapia. Namunganay dagiti pupokda manipud iti BFAR ket panagpaanak ti panggep ti pannakapatanorda. Kalpasan ti 3 a tawen, masuktanda manen dagiti breeder.
Kangrunaan a maserbisyuan ken masuplayanda ti fingerlings ket dagiti mannalon nga adda backyard fishpond-da kas nayon iti pagkakitaanda. Innayon ni Mr. Robert S. Savella, AT-DA LGU a mairesibo ti paglakuanda ti fingerlings ket i-remitda iti Tesoreria ti Munisipio.
Innayonna nga adda met dagiti libre a maited ngem siguraduenda a mapaadu ken mapatan-ayda dagiti fingerlings. Paset ti pannakaidur-as daytoy a programa ti DA-LGU iti suporta ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti pannakamonitor ti pagbanagan dagiti naited a fingerlings. # (Web In-Action)
No comments:
Post a Comment