FIRST SESSION TI FFS-PUG-OS, NATUNOS DAGITI AGADAL

Cabugao, Ilocos Sur – Naaramid ti umuna a session dagiti FFS Farmer Learners iti Barangay Pug-os, Cabugao,Ilocos Sur ita a  Hulio 19, 2012 ket nagpaay a Learning Center-da iti Barangay Stage ti barangay.

Immuna nga inadalda ti maipapan iti konsepto ti Integrated Pest Management (IPM) a no mabalin ket ikabassit ti panagusar ti kemikal nga agas kadagiti mula, iyad-adu ti natural a panagkontrol ti peste, imbatad ni Mr. Nereo S. Daproza, Lecturer.

Maysa pay a  napateg a panggep ti panagadal ket  ti panangpataud ti natalged nga aglawlaw, saan a naigugor  unay iti agas  a produkto ken masalakniban a  producer ti mula a pagbiagan ti tao nga  inlektiur ni Mr. Robert S. Savella, AT/Facilitator maipapan iti AESA (Agro-Ecosystem Analysis).

Natunos dagiti agadal a nagkopia ti naisagana a suheto a nadiskutir iti panagadal. Naibaet  dagiti eyes breaker a nangpasudi ti panagadal.

Ti FFS-Pug-os ket proyekto a nagbuligan nga ingannuat ti DA-RFU 1-ATI ken iti LGU-Cabugao nga idauluan ni Mayor Edgardo “Ediboy” S. Cobangbang, Jr. ken  paset ti kabaruanan a panangmuli kadagiti mannalon a mangitag-ay ti sektor-agrikultura para   iti pagilian ken komunidad. # (Web In-Action)