Cabugao, Ilocos Sur – Nagmiting ti Opisiales ti Cabugao Livestock Traders Association kabayatan ti panagoperar ti Dayo idi Hulio 7, 2012 a no sadino a ditoy ket nagatendar ni Mr. Dante Naval, Municipal Meat Inspector ken napusgan a mangkitkita/mangiwanwanwan ti pagsayaatan ti Cabugao Dayo.
Naamiris ti pannakairuar/pannakaisubli ti naited a puonan dagiti aggatang ti ayup. Napagkaykaysaan nga iti laeng sigurado a magatang nga ayup ti gatad a maruk-atan. Matingiting pay ti kapabilidad ti tunggal trader ti panangusarna ti puonan.
Imbatad ni Mr. Naval nga inamirisda no adda met la ti pakabuklan ti puonan. Mapadakkel ti pakaisangratanna, manayonan ken mapagsusublatan dagiti traders apaman a rumangpaya ti puonan.
Innayonna nga awaganda ti imatang ti asinoman a Trader a saan a makayentrega iti naituding a gundaway kas paset ti pannakadisiplinada. No maiparbeng a mapakatan ti disciplinary action ti agabuso ket maaramid tapno saan a maulit ti padas ti kallabes a pannakapukaw ti naited a puonan dagiti naglabas a Dumadayo. # (Web In-Action)
No comments:
Post a Comment