Cabugao, Ilocos Sur – Naaramid ti pannakairaep ti bunubon ti TH-82 a klase ti pagay a mausar iti Farmers Field School idi malem ti Hulio 11, 2012 iti Barangay Pug-os, Cabugao, Ilocos Sur a no sadino a ditoy ket 17 a mannalon/agad-adal ti nagraep iti 1,000 metro-kuadrado a talon (Learning Field). Nagkalima a paset ti naraepan: 3 a plot ti naraepan iti 20 by 20 cm. a kaaddayo ti tunek idinto ta Farmers Practice ti dua a plot ti naipakat. Sag-250 metro-kuadrado ti tunggal plot.
Tinarabay da Mr. Nereo S. Daproza, Project Coordinator; Municipal Agriculturist Zenaida S. Andrada; Mr. Robert Savella, Facilitator ken Mr. Obas Bill Baclig, agpapada a kameng ti DA-LGU Cabugao.
Iti gapuanan dagiti nagraep, mapagdilig ditoy ti Farmers Practice ken iti napartengan. Naigiddan a naaplikaran ti organic fertilizer a mangparubuat ti langto dagiti nairaep. # (Web In-Action)
 |
| Nabileg ti pinuon dagiti nasekka a bunubon a mairaep iti Learning Field |
No comments:
Post a Comment