Cabugao, Ilocos Sur – Iti pannaki-amad iti Web In-Action idi Mayo 4, 2013, imbatad ni Mr. Marciano Raciles, Jr., Presidente, Cabugao Livestock Traders Association nga agtultuloy ti pannakaiplastar dagiti ayup babaen kadagiti Cattle Traders ken Koridor iti Cabugao Dayo iti kaaldawanna ti Sabado.
Impatalged ni Mr. Raciles a saan a maawanan ti ayup a maiplastar agsipud ta nagsaknapen ti damag uray iti kabangibang a dayo ken ili iti aktibo a panagdadayo ditoy Cabugao iti aldaw ti Sabado.
Imbatad met ni Municipal Meat Inspector Dante Naval a mangtartarabay iti Dayo iti agtultuloy a pannakinaming ken panagkakammayetda kadagiti Cattle Traders iti panagsayaat ti Dayo.
Dagitoy nga inisiatiba ket paset ti panangannurot iti direktiba ni Mayor Edgardo “Ediboy” S. Cobangbang, Jr. a pannakaipamaysa iti pannakapadur-as ti Cabugao Dayo tapno masustener ti panggep ti Ama ti Ili a mangipaay iti agtultuloy ken produktibo a pagturongan ti industria ti livestock iti ili a Cabugao. # (Web In-Action)
No comments:
Post a Comment