Cabugao, Ilocos Sur – Iti panaki-amad ti Web In-Action iti Mayo 6, 2013, naibatad iti Admission Section nga adda 113 a pasiente a nagpaagas iti umuna nga aldaw ti lawas.
Agsipud ta inaldaw iti lawlawasna iti medical check-up iti RHU, iti benneg Medical (nalalag-an a sakit kas iti gurigor, panateng ken uyek) ti kabassitan a nairekord a nagpataming idi Medical Mission idi Abril 28, 2013 babaen iti ROPHEH iti Cabugao Rural Health Unit. Kastoy met laeng iti Dental ken Minor Surgery. Kaaduan iti circumcision nga immabot ti 400 iti nakugit ta mammaminsan laeng iti tinawen a maisayangkat daytoy.
Malaksid a mataming a dagus dagiti agpaagas babaen kadagiti Medical Personnel nga ag-duty iti inaldaw, adda pay a madadaan nga agas a maited kadakuada a mangtellay iti panagsagabada iti sakit.
Ti agtultuloy a pannakaipaay ti napintas a serbisio ti salun-at kadagiti umili ket prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno makapagtrabahoda a nasimbeng dagiti umili para iti pamiliada ken iti komunidadda. # (Web In-Action)
No comments:
Post a Comment