Cabugao, Ilocos Sur – Idadauluan ti Grupo ti Clean and Green Program ti Munisipio nga idauluan ni MENRO-Designate Edgar S. Balangatan iti pannakadalus dagiti public facilities and places iti Poblasion ket naisaruno ti Municipal Lawn and Garden nga inestimar dagiti cleaners.Kabayatanna, iti pannakaitandudo ti Environmental Management Program kadagiti barangay ken eskuela, ingunamgunam ni Mr. Balangatan kadagiti Opisiales ti Barangay nga agpapirma ti Clearance kenkuana a mairamanda met iti general cleaning drive nga aramiden koma dagiti bumarangay tapno makomplementaran ti ar-aramiden ti LGU ken dalusanda dagiti mabatoganda a paset dagiti Provincial Road a masakupanda a masarakan iti Brgy. Salomague ken iti Brgy. Nagsincaoan.
Iti coastal barangay, imbatad ni MENRO Balangatan a babaen iti pannakikoordinar-na ken regular a panagmonitor-da ket maar-aramid ti bayanihan ti bumarangay iti regular coastal clean-up malaksid ti panagmula ti mangrove nga isayangkat ti BFAR ken dadduma a sektor iti barangay.
Dagitoy nga inisiatiba ket mailungalong a kanayon kadagiti barangay ken iti Poblasion tapno mamantener ti kinadalus ken mapaberde pay ti aglawlaw, segun pay ken ni MENRO Balangatan. # (Web In-Action)
No comments:
Post a Comment