Wednesday, May 8, 2013

PROYEKTO TI BRGY. TUROD, MAILEPLEPPASEN

Cabugao, Ilocos Sur – Iti pannaki-amad ti Web In Action iti Mayo 8, 2013, imbatad ni Brgy. Captain Inocencio S. Sadac ti Brgy. Turod, Cabugao, Ilocos Sur a naipasdeken ti pakabuklan ti baro a Barangay-Hall-da a naisaad iti abay ti Multi-purpose Building-da iti barangay.

Daytoy a proyekto ket nagbuligan nga impatungpal ti LGU-Cabugao nga idauluan ni Mayor Edgardo “Ediboy” S. Cobangbang, Jr. ken ni Diputado Ryan Luis V. Singson, Umuna a Distrito ti Ilocos Sur.


“Dakkel a pagyamyamananmi kadagiti Opisiales a nangilungalong ti pannakaadda daytoy a pannaka-Munisipio ti Barangay-mi,” imbatad ni Kagawad Edgardo Garcia ti Barangay Turod. “Agtultuloy ken naynayonanmi pay ti panagtutunosmi.”

Kabayatanna, mains-instolar ti solar light wenno  moderno  a silaw iti kalsada  nga insagut ni Diputado Ryan iti Barangay Turod.


Dagitoy a pagprogresuan ti barangay ket ginubuay ti nakammayet ken natunos a pannakinamingda kadagiti benneg ti Gobierno a makaipaay kadagitoy a pagsayaatan ti barangay-da. # (Web In-Action)

No comments:

Post a Comment