Cabugao, Ilocos Sur – Iti pannaki-amad ti Web In-Action kadagiti lumugar ti Brgy. Bato, Cabugao, Ilocos Sur iti Mayo 9, 2013 ket pagyamananda unay iti pannakagabor dagiti abut ti kalsada iti batog ti slope protection (riprap) a naaramid a trinsera iti makurkurukor a parte ti kalsada no panawen ti tudtudo.
Naaramid ti pannakaipinas dagiti naigabor a darat ken graba iti panagkammayet a pannakaaramat ti Backhoe ti Munisipio ken tulong dagiti bumarangay ita a petsa ti Mayo 9, 2013 iti nagkawatiwatan daytoy a kalsada a kasilpo ti rangtay ti barangay.
Pagyamanan met ni Brgy. Captain Santos Aquino, Jr. ti Barangay Bato iti Gobierno Munisipal ta natalgeden nga agdaliasat dagiti mannalon iti dinadael ti kalamidad a kalsada. # (Web In-Action)
No comments:
Post a Comment