Cabugao, Ilocos Sur – Maysa kadagiti dua a napili a pageskuelaan ti DepED Region 1 ti Salomague Elementary School, Salomague, Cabugao, Ilocos Sur nga idauluan ni Mr. Ronel M. Ubaldo, Head Teacher III a pakailunsadan ti Brigada Eskwela 2013 iti intero a Rehion Uno mangrugi iti Mayo 20, 2013 agingga iti Mayo 25, 2013 ket naaramid ti pakauna nga aktibidadda iti mismo nga ikub ti pagadalan.
Napili ti nadakamat a pageskuelaan gapu iti napintek a panagtitimpuyog dagiti Stakeholders: nagannak, mangisursuro barangay ken Gobierno Lokal iti pannakapasayat ti pageskuelaan.
 |
| CLICK HERE TO VIEW MORE PHOTOS |
Iti dayta a taripnong, nakikaysa ni DepED Undersecretary Alberto T. Muyot ti DepED Central Office, DepED Regional Director Teresita M. Velasco, Region 1, dagiti dadaulo ti DepED Division Office a da Dr. Marino S. Baytec, Dr. Estrella Soria, Samuel R. Lazo ken Angelita Viloria, DepED-Ilocos Sur. Nagatendar met ni Cabugao Public Schools District Supervisor Helen V. Siruno.
Umabot ti 70 a nagannak nga idauluan ni Mr. Reynaldo Lagua, PTA President ti nagdalus iti aglawlaw ti pagadalan, nagpinta iti classroom ken naggarden iti arubayan.
 |
| CLICK HERE TO VIEW MORE PHOTOS |
Indauluan met ni Undersecretary Muyot iti tree planting activity ket immula ti Opisial ti DepED ti seedling ti mahogany iti School Tree Park. Nakitinnulong met dagiti mangisursuro nga idauluan ni Mr. Ronel M. Ubaldo, Head Teacher III ken dagiti Pupils a nakipaset iti nasao nga aktibidad.
Iti panagsasarita dagiti nagatendar, binigbig ni Usec. Muyot ti agtultuloy a kinnammayet dagiti Stakeholders ken iti panangibatad dagiti mangisursuro, PTA Officers ken Opisiales ti Barangay iti dakkel a suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti pannakapasayaat dagiti pageskuelaan iti Munisipalidad ti Cabugao.
 |
| CLICK HERE TO VIEW MORE PHOTOS |
Inimatangan met dagiti Opisiales ti LGU-Cabugao a nagatendar nga idauluan ni Acting Mayor Danny Q. Gazmen , SBM Benedicto M. Savellano, Brgy. Captain Eliseo R. Serrano agraman dagiti Opisiales ti Barangay Salomague.
Ti Brigada Eskwela ket tinawen a programa ti DepED a pakikammayetanna kadagiti maseknan a katinnulongda iti benneg ti Edukasion a pannakaisagana dagiti pageskuelaan para iti panagseserrek ti klase dagiti ubbing iti bulan ti Hunio 2013. # (Web In-Action)
 |
| CLICK HERE TO VIEW MORE PHOTOS |
 |
| CLICK HERE TO VIEW MORE PHOTOS |
No comments:
Post a Comment