Cabugao, Ilocos Sur – Maar-aramid ita ti pinal a dokumentasion ti kabibiag ni Neri Joy B. Somejo, agtawen ti 7 kasta met ni Myrene B. Somejo, 12, agpada nga annak ni Mr. & Mrs. Rene Somejo ti Brgy. Daclapan, Cabugao, Ilocos Sur gapu iti naisangsangayan a pannakalasatna iti dididgra a pannakalmes iti baybay idi Marso 20, 2013 iti kabaybayan a batog ti nasao a barangay.
Iti pannaki-amad ti Web In-Action idi Mayo 15, 2013, imbatad ni Ms. Connie Lazo Quinola, LGOO Officer V ti DILG-Cabugao a napili ti pasamak ti biag dagiti nadakamat nga agkabsat ta kualipikadoda iti pagibasaran/indicators iti Kalasag Award, Group/Individual Nominee for Disaster Response Heroes nga iwaywayat ti DILG-Ilocos Sur iti tinawen a pakaseknan iti maiduma a kapadasan ken panannakalasat iti saplit ti kalamidad ken aksidente ti biag ti maysa a tao.
Daytoy ket programa ti Department of the Interior and Local Government (DILG), Provincial Office, Vigan City, Ilocos Sur a nakipartisiparan met ti Municipal Local Government Operations Office (MLGOO), LGU-Cabugao nga imatonan ni Ms. Quinola. # (Web In-Action)
No comments:
Post a Comment