Cabugao, Ilocos Sur – Naangay ti panagyaman ni Cabugao Vice Mayor Elect-Deogracias Jose Victorino “DJ” H. Savellano iti Kusina Ilokandia, Brgy. Sagayaden, Cabugao, Ilocos Sur idi Mayo 15, 2013 a dinar-ayan dagiti Opisiales ti Gobierno Probinsial, Munisipal, Barangay, nadumaduma a sektor ti kagimongan ken dagiti umili ti Cabugao, Ilocos Sur.
Immuna a naaramid ti Pagyaman a Kararag nga indauluan ni Rev. Fr. Amador Cabaluna sa naaramid ti luncheon iti nangayed nga ikub ti Kusina Ilokandia.
Nagatendar da Governor Elect-Ryan Luis V. Singson ken ni Mrs. Patricia Savellano-Singson a kapisi ti pusona, nailayon a Vice Governor Deogracias Victor B. Savellano ken ni Mrs. Dina Bonnevie-Savellano nga asawana, Congressman-elect Ronald V. Singson, Cabugao Mayor Edgardo “Ediboy” S. Cobangbang, Jr. ken ni Mrs. Jerlie Seguban-Cobangbang a kasimpungalanna.
Nakikaysa pay da Board Member-elect Edgar Yabes ti First District, Vice Mayor Danny Q. Gazmen ken MSWD Officer Mrs. Lydia S. Gazmen, SBM Dr. Jemaima Tan-Yee, SBM Benedicto M. Savellano, SBM Josefina S. Vallejo, SBM Dr. Carlito S. Pano, SBM Carlos V. Sison, SB-elect Dodjie S. Santella, Former Mayor Dely Soller-Tan, Former Board Member Francisco “Paco” Savellano, Mr. Jeremy Seguban, Ret. Judge Efren S. Ubungen, ken CI Principal Miss Maria S. Rondon.
Nakipartisipar met ditoy a panagrambak ti balligi a pasken dagiti empleado ti LGU-Cabugao, Kapitanes ken dadduma nga Opisiales ti Barangay mga idauluan ni ABC President, Brgy. Captain Teddy U. Soller, Opisiales ken miembros ti nadumaduma nga asosasion ti Barangay, NGO’s, Media ken sangaili.
Iti nasao a panagtataripnong, naramenan met ti panagiinnabrasa, inniliw ken panagpipinnadayaw dagiti nagatendar.
Pinagyamanan ni Vice Mayor DJ Savellano ken ti pamiliana iti sapasap iti nabara a panangsarabo dagiti nagatendar itoy a naballigi a selebrasion. # (Web In-Action)
No comments:
Post a Comment