Cabugao, Ilocos Sur – Iti pannaki-amad ti Web In-Action idi Mayo 15, 2013, imbatad ni Engr. Edgar R. Aboc, Chief of Party, Cabugao Cadastral Survey Project a nailunsaden ti agtultuloy a pannakaideploy dagiti trabahadorda iti Field ta aramidenda ti Project Control Survey sakbay a pinalenda ti political boundary survey iti nagdulonan ti ili a Cabugao ken San Juan, Ilocos Sur.Innayon ni Engr. Aboc nga aramidenda daytoy iti las-ud ti tallo a bulan ti project control survey (agestablisarda ti point of reference) mangrugi iti Mayo 2013 ken sabali a tallo a bulan nga igannuatda ti Cadastral Lot Survey ti dagdaga ditoy nga ili. Segun pay iti Hepe ti Survey a kaaduanen a barangay ti ili a Cabugao ti naileppas ti pinal a pannaka-surveyda ti kadastral malaksid laeng kadagiti barangay a dumna iti nagbedngan ti ili a Cabugao ken San Juan. Insupusop pay ti Inheniero a maileppasda iti unos ti innem a bulan a mangrugi iti Mayo 2013 iti Cadastral Survey ti nadakamat a proyektoda ditoy ili ti Cabugao. # (Web In-Action)
No comments:
Post a Comment