Cabugao, Ilocos Sur – Naaramid ti pannaka-testing ti Precinct Count Optical Scan (PCOS Machine) kadagiti Polling Centers iti intero a Pilipinas idi Mayo 6, 2013.
Sakbayna, naideliber dagiti PCOS Machine idi Mayo 4, 2013 iti nadumaduma a Polling Center ti barangay iti Munisipalidad ti Cabugao, segun ken ni Acting Election Officer Marivic A. Castaneda.
Naggigiddan a naaramid ti Final Testing ti PCOS Machine kadagiti barangay ken iti Poblasion idi Mayo 6, 2013 kalpasan a naaramid ti test ti sample ballot iti operasion ti makina. Kalpasanna, naselioan dagiti amin a PCOS Machine iti imatang dagiti kameng ti Board of Election Inspectors (BEI’s), PCOS Technician, Poll Watchers ken pannakabagi ti Polisia.
Iti pannaki-amad ti Web In-Action iti Mayo 7, 2013, imbatad ni Ms. Charen Tabin, Election Assistant II a naballigi ti pannaka-testing dagiti PCOS Machines ken madadaanda a mausar iti maangay nga eleksion ti Automated National and Local Elections inton Mayo 13, 2013. # (Web In-Action)
No comments:
Post a Comment