Cabugao, Ilocos Sur – Iti pannaki-amad ti Web In-Action iti Mayo 14, 2013, imbatad ni Mr. Edgar S. Balangatan, AT/Task Force Coordinator a sinapsapada nga impadeploy dagiti trabahador iti babaenda a nagikkat kadagiti political ads kadagiti poster/private area ken dadduma pay a wara a maigapu iti lepleppas a basingkawel ti politika.
Insupusop ni Mr. Balangatan a kasapulan ti madagdagus/regular a pannakadalus ti agsumbangir a paset ti Kalsada Nasional manipud Brgy. Sagayaden agingga iti Brgy. Pug-os agraman kadagiti Provincial Roads (Salomague Bound) kasta met kadagiti lugar-pampubliko iti Poblasion tapno agtultuloy a nadalus ken napintas ti buya ti aglawlaw iti ili.
Ti madagdagus nga aksion dagiti maseknan nga LGU Personnel para iti “Clean and Clearing Activities” apaman a malpas ti dadakkel nga aktibidad ket paset ti panangannurotda iti direktiba ni Mayor Edgardo “Ediboy” S. Cobangbang, Jr. iti pannakasustener/pannakamantener ti kinadalus ti aglawlaw iti Munisipalidad ken sanitasion para iti umili ken bumisita iti ili ti Cabugao. # (Web Situational Report)
No comments:
Post a Comment