BUKEL A MAIMULA, INTED TI HVCDP-REGION 1, OPAG-ILOCOS SUR

Cabugao, Ilocos Sur – Saan a mapasamak ti panagkirang ti suplay a nateng iti NISTC Public Market iti  Tawen 2014  gapu ta adda latta maprodukto dagiti Off-Season Planters nangruna iti lugar a masasao a “Vegetable Bowl” ti ili nga isu ti Brgy. Salapasap.

iti panangimaton ti High Value Crops Development Program (HVCDP)-LGU Cabugao  a kakammayetna  ti DA-RFO 1 ken OPAG-Ilocos Sur, nangipaayda manen  ti nailata a bukbukel  ken nai-sachet  kas iti Bell Pepper, Eggplant, Tomato, Patola, Okra, Kangkong, Pechay, Upo,  Sitaw, ken Watermelon. Naitalek dagitoy a bukel   ken ni Mrs. Ester P. Aguimbag, HVCDP Coordinator ti LGU-Cabugao tapno maited  kadagiti maseknan a mannalon a makasapul iti imulada.

Nupay kasta, kuna ni Mrs. Aguimbag a posible nga imasetasda iti Municipal Greenhouse  ti kaaduan kadagiti nadakamat a bukel tapno ditoy a kumiddaw dagiti Vegetable Growers no agmuladanto  ken mapatuladanda no kasano ti agimasetas iti hybrid a bukel ti nateng. # (Web In-Action)