INTERNSHIP PROGRAM, PARTNER TI LGU-CABUGAO TI DOLE

Cabugao, Ilocos Sur – Maisaysayangkat ita ti panagtrabaho dagiti 13 a Degree Holder a naggapu iti nakurapay a kaamaan kas panangtulong kadakuada iti kaawan ti pagobraanda babaen iti programa ti DOLE a “Government Internship Prohgram”  (GIP) a kapartnerna ti LGU-Cabugao tapno masolbar  ti dadduma a pakaseknan ti unemployment iti lokalidad.

Nangrugi ti panagtrabaho  dagiti 13  a  GIP Employees ti LGU-Cabugao idi Hunio 2, 2014, segun iti HRMO-LGU Cabugao  nga idauluan ni Miss Mimi Sison,  HRM Officer iti nasao nga ili. Agpaut daytoy a programa iti DOLE-LGU iti innem a bulan ket makasagrap dagiti naempleo nga umili iti 75% manipud iti naituyang a Minimum Wage ti Gobierno para ditoy a  lokalidad.

Dagitoy nga aksion ket maigapu iti nasaknap a panangipakat ti LGU-Cabugao babaen iti pannakikammayetna kadagiti maseknan nga Ahensia ti Gobierno kadagiti programa a mangpasayaat ti kasasaad dagiti nakaadal ngem awan ti madadaan a pagsapulanda. # (Web In-Action)