Cabugao, Ilocos Sur - Maipatungpal ti Plant Now Pay Later (PNPL) a paset ti programa ti DA-Office of Agriculture (OPAG)-Ilocos Sur kadagiti LGUs ti Probinsia ti Ilocos Sur ita a Wet Season 2014 (Hunio-Nobiembre).
Segun ken ni Municipal Agriculturist Zenaida S. Andrada, adda 60 a Bags (Hybrid ken Inbred) a nabatayan a naala ti DA-LGU Cabugao a maipabulod kadagiti agkasapulan ti bukel nga ibunubonda ita a panagtalon.
Innayon ni Mrs. Andrada dagiti nagan ken presio dagitoy a bukel nga ituyang ti programa ti PNPL iti DA ket dagiti sumaganad:
30 Bags – (NSIC Rc 222) – Inbred – P1,200 (Presio/ 1 Bag); 20 Bags (NSIC Rc 216) - Inbred - P1,200 - (Presio/1 Bag); ken Mestizo 20 (Hybrid Davao) – P3,600 (Presio/1 Bag).
Simmangpet dagitoy a bin-i iti Opisina ti DA-LGU Cabugao iti maudi a lawas ti Hunio 2014, kuna ni Mrs. Andrada ket apaman a maited ti adda a bilang ti bin-i kadagiti agkasapulan ket awanen ti mainayon a maipabulod, segun pay ken ni MA Andrada. # (Web In-Action)
No comments:
Post a Comment