Cabugao, Ilocos Sur – Naangay iti pannakaselebrar ti Nutrition Month 2014 iti Cabugao DepED District idi Hulio 18, 2014 iti Social Hall ti Cabugao South Central School, Brgy. Bonifacio, Cabugao, Ilocos Sur babaen iti Tema: “Kalamidad Paghandaan: Gutom at Malnutrisyon Agapan!”.
Kalpasan ti Words of Welcome ni Mrs. Melvi S. Sajonia, Principal II, nagsaruno a nagsarita da Mrs. Estrellita M. Siruno, Principal II, Cabugao North Central School ken ni SB Member Dr. Jemaima S. Tan-Yee, Committee Chair on Education. Anag ti mensaheda iti panangisagana kadagiti ubbing a mangapresiar ti pintas ti nutrision tapno sumayaat ti panagadalda ken maammuanda iti naregget a programa ti LGU-Cabugao maipapan iti Nutrision tapno makapataud latta dagiti pageskuelaan iti nasirib nga agbasbasa.
Simmaruno dagiti Contested Activities a kas iti Nutri-Quiz ken Cooking Contest. Naipresenta dagiti Judges iti tunggal kategoria babaen iti panangipakaammo ni Ms. Wendy S. Aganad, Teacher 1, Aragan Elementary School; naisaganad ti Orientation babaen ken ni Mrs. Anabelle R. Ancheta, District Nutrition Coordinator. Kalpasanna, naaramid ti Contest Proper.
Naipakaammo dagiti nangabak nga ubbing ket naited dagiti Medalia ken Certificates a kanayon ti inabakda.
Iti Closing Remarks, nagyaman ni Mrs. Anabelle R. Ancheta, District Nutrition Coordinator iti naan-anay a suporta ti LGU-Cabugao, dagiti Sponsors, Guest, Parents-Guardians ken gagayyem ti pageskuelaan iti naballigi a pannakaselebrar ti Nutrition Month ita a Tawen 2014. # (Web In-Action)
No comments:
Post a Comment