Cabugao, Ilocos Sur – Maar-aramid ti panagsanay dagiti pannakabagi ti 33 a barangay ti ili a Cabugao, Ilocos Sur iti pakaseknan ti Disaster Risk Reduction and Management/BPATS Training (July 23-24, 2014) tapno manayonan ti kaammuan dagiti agipatpatungpal iti panangsarapa ti kalamidad ken mangtengtengngel iti linak ken talna kadagiti barangay ti nasao nga ili.
Nairugi ti panagsanay iti Hulio 23, 2014 ket naangay iti Cabugao Cultural and Sports Complex, Brgy. Rizal, Cabugao, Ilocos Sur. Nagatendar dagiti pannakabagi ti tunggal barangay a kabassitanna ti tallo a partisipante agingga iti sangapulo.
Kalpasan ti Naidaton a Kararag ken pannakakanta ti Nailian a Kanta, nangipaay ti Welcome Remarks ni Engr. Nestor B. Somera, Focal Person ti Municipal Disaster Risk Reduction Management Council-LGU Cabugao iti pammasangbay a sarita ket bininsana ti pateg daytoy a seminar ken panagsanay ta maseknan ti amin nga umili ket dakkel ti akem dagiti naipatulod nga agsanay ta yallatiwdanto kadagiti barbarangayda ti masursuroda.
Simmaruno ti Acknowledgement of Participants ni Ms. Constancia L. Quinola, MLGO Officer ti ili a Cabugao.
Nagsarita met ni Chief of Police William N. Nerona, Municipal Police Station ken nangted met ti Mensahena ni Vice Mayor Deogracias Jose Victorino H. Savellano. Pinaregtana dagiti nagatendar nga imdenganda a nasayaat ti maadalda ta napateg nga isangpetda a pangtulong kadagiti kabarangayanda dagiti maadalda.
Iti Inspirational Message ni Mayor Edgardo “Ediboy” S. Cobangbang, Jr. ket bininsana ti pateg ti maadal iti seminar a maitutop nga impormasion para iti kabarangayanda ken pamiliada. Innayon ti Ama ti lli nga iti kaadda iti tumutop nga adal ken pannakaammo ket mangipaay iti naan-anay a panagsagana a sumango iti idadateng ti kalamidad. Ngem insupusop ni Mayor Ediboy nga awan koma ti dumdumteng a nakaro a didigra ditoy a lokalidad. Kinablaawan pay ti Alkalde Munisipal dagiti mangbukel ti MDRRMC, Kapolisan, MLGOO, Barangay Officials, Municipal Officials ken dagiti agsanay ket kunana a no agkaykaysada a mangibaklay kadagitoy a responsibilidad ket awan ti papananna a nalaglag-an nga ibaklayda ti pagrebbenganda nga agtitinnulong a mangaywan iti barangayda.
Bininsa pay ni Mayor Ediboy ti pakaseknan dagiti agnanaed iti igid ti baybay, igid ti karayan ken kadagiti barangay ket babaen iti natimpuyog a panangpanunotda iti Gobierno Lokal ket maaksionan dagitoy a pakaseknan tapno laeng maprotektaran dagiti umili iti kalamidad.
Nakikaysa met iti umuna nga aldaw dagiti Opisiales-Lokal ti Cabugao nga isuda SB Member Dr. Jemaima S. Tan-Yee, Committee Chair on Environment; SB Member Atty. Bryan Jett S. Pano, Committee Chair on Human Rights; ABC President, Brgy. Captain Thaddeus “Teddy” U. Soller; SBM Benedicto M. Savellano; SBM Jayhan Alcid Tan; SBM Vicky S. Serna; SBM Josefina S. Vallejo ken ni Brgy. Captain Carlos V. Sison. # (Web In-Action)
No comments:
Post a Comment