UPDATE TI COMMUNITY RELATIONS MONTH TI PNP-CABUGAO

Cabugao, Ilocos Sur – Segun kada POI Bernadette Aquino ken ni PO1 Edgardo Soliven ket adda dagiti masagsagana nga aktibidad ti Municipal Police Station-Cabugao nga idauluan ni Chief of Police William N. Nerona nga aktibidad a mangkulminar iti PNP Community Relations Month 2014 a programa ti PNP Main Office ita a bulan ti Hulio 2014.

Innayon ni P01 Soliven, PNCO, PNP-Cabugao dagiti sumaganad a maaramid ita a bulan ti Hulio 2014:

1.Pannakaiwayat ti Feeding Program kadagiti ubbing iti masakupan daytoy a barangay ti ili.

2.Pannakasanay iti mabiit dagiti BPATS (Barangay Tanod) ket tallo ti matudingan nga ag-training  iti kada barangay.

3.Agtultuloy a pannakaawisda iti PNCO  nga aglektiur maipapan iti anti-drugs, anti-juvenile acts, ken pannakailawlawag dagiti dadduma a linteg a makasakup iti individual rights ken law enforcement. Maaw-awisda nga aglektiur kadagiti pageskuelaan ti High School, Barangay ken kadagiti dadduma pay a paguummongan iti barangay, segun ken ni PO1 Aquino. # (Web In-Action)