Friday, July 11, 2014

PAY-OUT TI SPES EMPLOYEES BABAEN TI DOLE-LGU, NAARAMID

Cabugao, Ilocos Sur – Naaramid ti pannakabayad ti serbisio dagiti nagtrabaho iti Special Programs for the Employment of Students (SPES) babaen kadagiti pannakabagi ti Department of Labor and Employment (DOLE)-Vigan City ken dagiti pannakabagi ti Human Resource  Management Office (HRMO) nga idauluan ni Mis Mimi S. Sison, HRMO  Officer ti ili a Cabugao, Ilcos Sur idi Hulio 9, 2014 iti mismo nga Opisina ti HRMO iti Munisipio.


Kanaig daytoy  ket maar-aramid met ti kapadana  a programa a panagtrabaho ti 13 a nakualipikar a College Graduate nga umili  nga agtrabaho babaen iti Government Internship Program (GIP), pagbuligan manen ti LGU-Cabugao ken ti DOLE-Vigan City nga ipatungpal iti unos ti innem a bulan. Nangrugi dagiti recipients a nagtrabaho  idi Hunio 2, 2014.


Dagitoy nga aksion ket maigapu iti saan nga  agsarday a panangilungalong  ti LGU-Cabugao nga idauluan ni Mayor Edgardo “Ediboy” S. Cobangbang, Jr.  kadagiti mayataday a programa iti pannakayempleo dagiti umili babaen iti pannaki-partnerda kadagiti umisu nga Ahensia a kas iti DOLE a  makasakup iti kakastoy a pakaseknan, proyekto ken programa. # (Web In-Action)

No comments:

Post a Comment