Cabugao, Ilocos Sur – Agduduma manen ti naimasetas ken naimula kalpasanna a kas iti pechay, tarong ken dadduma pay ti klasena a nateng iti uneg ti dua a Greenhouse ti LGU-Cabugao a masarakan iti Lote ti Munisipio iti Brgy. Baclig, Cabugao, Ilocos Sur kadaytoy a Wet Season 2014.
Kalpasan a namulaan dagiti pannakabagi ti DA-LGU Cabugao ket naalibtak dagiti kakadua dagiti Teknisian a Job Order Employees, a mangdaldalus, mangrukrukit, mangsibog, mangpakalatkat ken mangisprey kadagiti naimula nga agdududuma a nateng tapno napintasto ti panagbungada iti masanguanan.
Saan met nga agsarday ti pannakikoordinar ti Munisipio nangruna iti Opisina ti Municipal Agriculture Office (MAO) a maki-naming iti DA-Provincial Office iti pannakaruk-at dagiti mayataday a bukbukel ti nateng a dagitoy ket naited itay nabiit iti Opisina ti Municipal HVCDP Coordinator.
Nupay kasta, naipanawen ita iti pannakairakurak kadagiti umili ti pateg ti panagmulmula ti nateng tapno makulminar iti pannakaselebrar ti Nutrition Month iti bulan ti Hulio 2014.
Segun iti DA-LGU Cabugao, agserserbi a demonstration area ti vegetable production kadagiti Greenhouse ken nangruna a pagtuladan dagiti asosasion kadagiti barangay tapno masustener ti Gulayan sa Barangay /Paaralan a dagitoy ti paggapuan dagiti mairekomenda a maisalip kadagiti pakontes iti Probinsial ken Rehional a Kategoria.
Dagitoy nga aksion ken inisiatiba ket maigapu iti agtultuloy a pannkakikammayet ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti maseknan nga Ahensia kas iti DA-RFO 1 -(HVCDP) tapno agtultuloy a masursuruan dagiti umili nga agmula iti nateng tapno manayonan ti pagtaraon dagiti umili ket maikkatiti mal-nutrision, maka-ekonomiada iti sidaen, ken makatgedda iti igatangda iti sabali a pagkasapulan iti mapaglakuanda iti nateng. # (Web Situational Report)
No comments:
Post a Comment