Cabugao, Ilocos Sur – Agtultuloy latta ti panangtarabay dagiti pannakabagi ti Department of Agiculture-Regional Field Office 1, San Fernando City, La Union kadagiti mannalon partikular ditoy ili ti Cabugao, Ilocos Sur ta adda latta maw-awat ti opisina ti DA-LGU nga opisio iti pannakaayab dagiti empleado ti opisina ken kadagiti iserbianda a mannalon nga agseminar wenno makimiting
ti opisinada iti probinsia wenno iti rehion ken kanaigna nga aktibidad a pagturonganda kadagiti nakaeskediul a trabahoda. Dagiti sumaganad ti agdama a nairingpas nga eskediul a sursuroten ita dagiti nadakamat nga opisina:
1.Naangay ti One-Day Refresher Course on Seed Certification/Field Inspection Report idi Hulio 8, 2014. Napaayaban ti Deputized Municipal Seed Inspector iti Cabugao a nagseminar. Iti daytoy met laeng a petsa, naangay ti 2nd Quarter Meeting cum Asessment Workshop para iti CY 2014 Grassroots Participatory Budgeting Process (GPBP) idiay Alad Bar Resort, Caoayan, Ilocos Sur. Naimbitaran a nagseminar da Municipal Engineer, MPDC ken iti Municipal Agriculturist. Trinatarda ti isyu ken pakaseknan iti pannakaisagana ti Project Proposal, wagas iti implementasion babaen iti pannakaiyallawat ti pundo iti proyekto ken pannakaisubmiter ti Monthly Accomplishment Report. Daytoy a pakaammo ket naggapu ken ni Engr. Eduardo M. Gonzalez, Regional Technical Director for Research and Regulations.
2.Impakaammo ti BPI Baguio Pesticide Analytical Laboratory iti agtultuloy a panagmonitorda iti lokalidad kadagiti sumaganad:
a. Regular survey ti pannakausr dagiti pesticide.
b. Sampling and collection of agricultural crops for pesticide residue analysis.
c. Agtultuloy a monitoring tapno magun-od dagiti umisu nga impormasion para iti development of standard safety measure iti panagusaran ti pestisido.
Dagitoy nga inisiatiba ket maigapu iti nakammayet a pannaki-partner ti LGU Cabugao kadagiti linkage agencies a makaipaay iti pagimbagan dagiti mannalon ken umili ti Cabugao, Ilocos Sur. # (Web In-Action)
No comments:
Post a Comment