Tuesday, March 3, 2015

BRGY. ARAGAN: NAGBALIN A REGIONAL KEN SIGLAT AWARDEE

Cabugao, Ilocos Sur – Napadasan  ti Barangay Aragan  ti nangabak iti benneg ti Rehional babaen iti pammadayaw kas Outstanding Lupong Tagapamayapa Incentives Awards (LTIA) CY 2011  babaen ti panangidaulo ni Brgy. Captain Modesto Ronque.


Nayawat idi ti Certificate of Recognition ken ni Brgy. Captain Ronque babaen kada  DILG Provincial Director Victoria Ramos ken ni Mayor Edgardo “Ediboy” S. Cobangbang, Jr. a binayabay ni  Local Government Operations Officer 5 Constancia Lazo Quinola  idi  Agosto 1, 2012 iti dati nga SB-ABC Hall, Cabugao, Ilocos Sur.

Nakiragup met idi iti ladawan da Ms. Cherry Pestano, Focal Person, LTIA, DILG-Provincial Office ken kasta metten  da SB Member Benedicto M. Savellano ken  ni ABC President,  Brgy. Captain Teddy U. Soller agraman dagiti kameng ti Lupong Tagapamayapa iti Barangay Aragan. 

Pinirmaan ni DILG Regional Director Manuel V. Biason, CESO III, DILG Region 1, City of San Fernando, La Union ken Chairperson, Lupong Tagapamayapa Incentive Awards Committee ti naited a Certificate of Recognition iti Barangay Aragan. 

Kabayatanna,  inyalat ti Barangay Aragan iti nagsasaruno a pammadayaw iti Most Functional Barangay  Anti-Drug Abuse Council (BADAC) ket nagkampeon iti intero a Probinsia ti Ilocos Sur iti  Tawen 2014!

SIGLAT AWARDS 2014
Champion 
Most Functional BADAC 

SIGLAT AWARDS 2013
1st Runner-up
Most Functional BADAC 

SIGLAT AWARDS 2012
1st Runner-up
Most Functional BADAC

SIGLAT AWARDS 2011

Most Functional Brgy. Anti-Drug Abuse Council (BADAC)
Outstanding Lupong Tagapamayapa. # (Web In-Action)

No comments:

Post a Comment