Cabugao, Ilocos Sur – Ni Ms. Janet Aquino Gudoy-Frey ket patubo ti Barangay Sabang ti nagannak kenkuana ken isuda ken iti asawana iti agdama a mangtartarabay iti Medical & Dental Mission nga igangannuat ti Born Again Movement-Bronze Foundation babaen iti panangtarabay ti Local Government Unit (LGU)-Cabugao ken ti Cabugao Church.
Sakbay ti papanda panag-Medical Mission iti Barangay Sabang, nakikoordinarda ken nagkortesiada ken ni Mayor Edgardo “Ediboy” S. Cobangbang, Jr. iti Opisinana iti Munisipio idi Marso 6, 2015.
Napasamak ti dua nga aldaw a Medical and Dental Mission iti B arangay Sabang idi Marso 6-7, 2015,
Iti Day 1, Marso 6, 2015, naaramid ti Medical Mission iti pageskuelaan ti B arangay Sabang a no sadino a ditoy ket nagpaagasan dagiti ubbing nga agad-adal, nagannak, bisita agraman dagiti mangirsursuro ditoy a pagadalan nga idauluan ni Mr. Edison Solatre, Head Teacher.
Nasapa a nagturong dagiti nagpaagas iti Multipurpose Center ti nasao a pagadalan ket madagdagus met nga inrehistro dagiti Bronze Foundation Personnel a nagserbi kadagiti naituding a lamisaanda. Nadaras a nasurot ti naituyang a proseso iti panagpaagas ket nagmalem ditoy ti naited a serbisio kadagiti nagpaagas,
Iti Day 2, Marso 7, 2015, naigannuat ti Medical Mission iti Barangay Hall ti Brgy. Sabang babaen ti panangtarabay dagiti Konseho ti Barangay nga idauluan ni Brgy. Captain Atilano C. Saquiton. Naballigi met ti nagmalem a panagagasda.
Iti pannaki-amad ti Web In-Action kadagiti Medical Staff and Personnel a nangtarawidwid iti panagagas, dinayawda iti pakabuklan ti lugar, natunos a lumugar ken managsangaili a dadaulo ti lugar ken ili.
Impeksa met ni Brgy. Captain Atilano C. Saquiton iti Barangay Sabang iti nalaus a panagyamanda ken kadagiti kalugaranna kadagiti Opisiales ti Bronze Foundation ken iti Cabugao Church Ministry gapu iti aglaplapusanan a naitulongda kadagiti kabaranggayanda.
Dagiti naayat a dadaulo ti Medical Mission ket da: Mr. Dan Sabillon, Administrative Head & Logistics Coordinator; Dr. Cesar Buelva, Head, Dental Mission; Mr. David Frey; Mrs. Janet A. Gudoy-Frey.
Imbatad ni Mrs. Janet G. Frey nga innem a bulan nga isaysayangkatda daytoy a tignay-medikal ket no adda maipagteng kadakuada a kalikagum nga aggapu iti sabali a lugar ket posible a mapatganda a mainayon iti itineraria-da. # (Web In-Action)
No comments:
Post a Comment