Cabugao, Ilocos Sur –Naileppasen a naiwaras ti 10,000 a Seedlings ti Malunggay ken Katuray kadagiti 33 a barangay ti ili ita a Marso 19, 2015, segun ken ni Mr. Edgar S. Balangatan, AT, Co-Coordinator ti HVCDP a proyekto ti Department of Agriculture (DA)-RFO 1 partikular iti High Value Crops Development Program (HVCDP) babaen iti panangimaton ni Mrs. Ester P. Aguimbag, AT, iti LGU-Cabugao.
Imbaga ni MENRO Edgar S. Balangatan, AT, nga inawat dagiti Opisiales ti Barangay nga isuda ti mangiwardas iti pannakaimula dagitoy a pagimbagan ti sapasap a lumugar iti barangay.
Dagitoy nga aksion ken inisiatiba ket gubuay ti agtultuloy a pannakikammayet ti LGU-Cabugao nga idauluan ni Mayor Edgardo “Ediboy” S. Cobangbang, Jr. kadagiti Ahensia a makaited iti pagsayaatan dagiti bumarangay ken sapasap nga umili ti Cabugao, Ilocos Sur. # (Web In-Action)
No comments:
Post a Comment