Naangay ti Family Development Session (FDS) dagiti kameng ti 4 P’s (Pantawid Pamilyang Pilipino Program) iti Brgy. Quezon, Cabugao, Ilocos Sur idi Hunio 10, 2013 iti Municipal Conference Hall, Cabugao, Ilocos Sur.
Naglektiur ni Ms. Jessie Ann Tabut, Municipal Link-4 P’s Staff maipapan iti programa ti 4 P’s ken natratar pay dagiti pakaseknan ti tunggal maysa a kameng ken na-update ti record-da tapno mayataday iti direksion ti programa.
Nagatendar met dagiti Personnel ti RN-Heals iti RHU ket inlawlawagda dagiti panggep ken benepisio ti programa ti Philhealth a makatulong iti pakaseknan ti salun-at dagiti ubbing ken pamiliada tapno napintas ti panaglayag ti programa para iti salun-at dagiti kameng.
Dagitoy nga aksion ken inisiatiba ket agtultuloy a mangkomplementar ti sustenable a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno in-inut a maalay-ayan ti kinakurapay iti ikub ti pampamilia dagitoy a maseknan a benepisiario ti 4 P’s.
Nakikaysa met iti FDS da Miss Aida Cueto, Municipal 4 P’s Focal Person ken ni Mrs. Wilma Cruz, agpada a pannakabagi ti MSWDO-Cabugao.
Idi bulan ti Hunio 2014, Segun ken ni Municipal Rice Program Coordinator Nereo S. Daproza, AT, ti DA-LGU Cabugao nga naikagumaananda a napamulaan ti amin a natalon iti Wet Season 2014 (Hunio-Nobiembre) babaen iti napintas a programa ti Agrikultura iti LGU-Cabugao ken DA-RFO 1 iti ili a Cabugao, Ilocos Sur. Nairaman ti Barangay Quezon kadagitoy a programa:
1. Naestablisar dagiti Demo-Farm iti Brgy. Sagayaden, Nagsantaan, Maradodon, Catucdaan, Cael-layan, Rizal, Quezon ken Baclig.
2. Natarabay dagiti mannalon a nangpataud kadagiti hybrid a bukel nga imulada tapno matun-oyan ti 5-10 Tonelada nga apit iti maysa nga ektaria.
3. Napatibker ti gimong dagiti mannalon babaen iti pannakadengngeg kadagiti pakaseknan ken problemada iti naang-angay a regular a miting iti Asosasionda ken iti Pederasion.
4. Regular Monitoring ken panangtarabay kadagiti mannalon iti disso ti pagtatalonanda.
5. Agtultuloy a pannakikammayet ti DA-LGU kadagiti line-agencies a mangprobitsar kadagiti serbisioda a kangrunaan iti DA ken Agricultural Companies tapno masungbatan ti pagkasapulan dagiti mannalon.
Nagreport ni Mr. Daproza a namantener ti kalawa ti mamulaan nga 2,437 ektaria a suksukayen ti 4,370 a bilang ti mannalon babaen iti inisiatiba dagiti agmula ken pabor met iti paniempo iti kaadda iti makaanay a suplay a padanum a kangrunaan a kasapulan iti panagtan-ay dagiti naimula.
Idi Oktubre 16, 2014, naangay ti Field Day and Graduation ti Season-Long Farmers Field School on Sustainable Rice Production ti 24 a nagadal a mannalon iti Barangay Quezon iti Sitio Baliw, Barangay Quezon, Cabugao, Ilocos Sur.
Daytoy a panagadal ket inesponsoran ti Dapartment of Agriculture-RFO 1, OPAG-Ilocos Sur ken iti LGU-Cabugao nga idauluan ni Mayor Edgardo “Ediboy” S. Cobangbang, Jr. ken impatungpal ti DA-LGU a tinarawidwidan ni Mr. Nereo Somera Daproza, AT/Municipal Rice Program Coordinator.
Nagatendar idi ni Brgy. Captain Nida S. Braceros ti Brgy.Quezon. Pinagyamananna iti DA ken ti LGU kadaytoy a nagun-od dagiti mannalon a kalugaranda. Naipeksa ti Kapitana a kankanayon koma a mairamanda kadagiti programa ti Agrikultura iti LGU-Cabugao tapno agprogreso met ti kasasaad dagiti mannalon ditoy a deppaar.
Iti mensahe ni SB Member Benedicto M. Savellano, Committee Chair on Agriculture ken nangirepresentar ken ni Mayor Ediboy, kimmablaaw kadagiti nagturpos, opisiales ken lumugar ti Barangay Quezon. Dinakamatna ti pateg ti panangarakup dagiti mannalon iti agtultuloy a panagbaliw ti Teknolohia iti panagmula ti pagay. Naidagadagna pay iti pannakaipakat ti resulta ti Soil Fertility Mapping a maysa a kapatgan a maisagut ti Munisipio iti panagmulaan dagiti mannalon iti Munisipalidad ti Cabugao.
Napusgan ni Ms. Maria Jessica R. Socias, FFS Participant a nangipresentar ti pakabuklan ti datos ti naaramid a panagadal (aktual ken teoria).
Kinompirmar ni Ms. Marilou T. Cabalteja, Regional Rice Area Coordinator dagiti nagturpos ket ni met SBM Member Savellano ti nangibagi ken ni Mayor Ediboy a namagsapata kadagiti opisialesda ken iti pannakaakseptarda a naggraduar iti nasao a kurso dagiti 24 a mannalon.
Iti mensahe ni Mr. Constante B. Botacion, Jr., Provincial Agriculturist, pinadayawanna ti ili a Cabugao iti panagballigi ti FFS-Quezon ken iti naited kadakuada a proyekto ti FFS. Innayonna a naaramid daytoy a panagadal tapno mapaadu pay ti apit ta dakkel ti epektona ti Climate Change iti panagbaba ti maapit. Babaen iti eco-friendly a sistema ken wagas ti baro a teknolohia a maipakat, basbassit ti magastos dagiti mannalon ket masulnitan daytoy a pagbabaan ti maapit.
Naaramid pay ti Awarding of Certificates and Recognition of Oustanding Performance kadagiti FFS Participants a kalaingan kadagiti nagturpos.
Nagatendar met da Mr. Robert Savella, Mr. Nathaniel Galamgam, Mrs. Joenah G. Sevilleja, Ms. Katrene Joy Tapuro ken ni Mrs. Ester Aguimbag, agpapada nga Agricultural Technologists ti DA-LGU Cabugao. Kasta pay dagiti nagbuya a lumugar, sangaili ken Opisiales ti Barangay Quezon.
Sinerraan ni Municipal Agriculturist Zenaida S. Andrada ti programa. Nagyaman iti sapasap a nakipagtaming iti panagballigi daytoy a programa ti Munisipio kadagiti mannalon.
Idi Hulio 16, 2014, narugian ti Farmer’s Field School on Sustainable Rice Production Project babaen ti panagbinnulig ti Department of Agriculture, Regional Field Unit (DA-RFO 1), San Fernando City, La Union ken ti Local Government Unit (LGU)-Cabugao, Ilocos Sur iti panangidaulo ni Mayor Edgardo “Ediboy” S. Cobangbang, Jr.
Segun ken ni Mr. Nereo S. Daproza, Municipal Rice Program Coordinator, dagiti sumaganad ti panggep daytoy a programa nga inaramidda:
•Pananggun-od ti kabaelan iti panagpatanor ti pagay babaen iti aktual a kapadasan manipud iti panagbunubon agingga iti panagapit.
• Panangadal ti amin nga aspeto iti panagtan-ay ti pagay tapno umadu ti maapit.
• Panangbaliw ti kadaanan a wagas ti panagmula ti pagay ket aramiden ti kabaruanan a takuat a mangingato ti matgedan.
• Mangipasigurado ti 15% a ngatuan ti apit kada panagtalon ken 5% ti tinawen.
• Panangpapigsa ti gimong ti mannalon ken panangnayon ti kabaelanda nga agmanehar iti naimulada a pagay.
Dagiti kangrunaan a nagsentruan ti naisuro ket iti: 1. Agro-Ecosystem Analysis (AESA) 2. Palay Check Session 3. Group Dynamics 4. Panangtaming iti aktual a maduktalan iti panagadal.
Innayon pay ni Mr. Daproza dagiti FFS Guide a nagbasaranda kadagiti aktibidadda idi Hulio 16 kas iti sumaganad:
1. Field Tour – Random Survey of Missing Hills (per treatment); Survey Data Processing; Group Reporting (Average Number of Missing hills per Treatment) Group 1-5; Big Group decision: Replant Missing hills.
2. Palay Check session: Key Check 5, Nutrient Management, Key Check 6, Water management.
3. Special Topics: AESA - Agro Eco System Analysis Principles and Concepts ken Output Processing and Presentation.
Dagitoy ti nakabuklan ti inadalda iti FFS Sessionda iti kada lawas. Buklen ti panagadalda iti 16 a lawas manipud iti panagbunubonda Iti biang ni Municipal Agriculturist Zenaida S. Andrada ti DA-LGU, pinaregtana dagiti mannalon ti Barangay Quezon nga idauluan ni Mr. Reynaldo Sumibcay, Presidente, Quezon FA nga ikagumaanan dagiti recipients nga adalen ti maited a baro a teknolohia ti panagtalon ket iyallatiwdanto iti padada nga agtaltalon para iti sapasap a pagririnnanudan.
Pinagyamanan pay ni Mrs. Andrada ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken ti DA-RFO 1 nga idauluan ni Regional Executive Director Valentin C. Perdido, Ph. D., ta naikkanda iti kastoy nga adal a mangiyintek iti napintas a pagbanagan iti mulada a pagay.
Malaksid kadagiti kabaruanan a teknolohia a nasagrap ti Quezon FA, karamanda pay kadagiti asosasion ti mannalon iti programa ti LGU-Cabugao a nakagun-od iti ramit ken makinaria iti panagtalon para kadagiti Asosasion. # (Web In-Action)
SIGLAT AWARDS 2014
Consolation Prize
Cleanest and Greenest Barangay. # (Web In-Action)
No comments:
Post a Comment